Bitcoin ryður sér til rúms á leigumarkaði

Fasteignafélag í London ætlar að gera leigutökum kleift að greiða leigu og leggja fram tryggingu með rafmyntinni bitcoin. Þetta er í fyrsta sinn sem stórtækt fasteignafélag í Bretlandi leyfir greiðslur með slíkum hætti. 

Greint er frá þessu á fréttavef The Guardian. 

Frá og með mánudegi geta leigutakar notað bitcoins fyrir tryggingu og fyrir árslok verður þeim leyft að greiða leigu með rafmyntinni. Fasteignafélagið The Collective segir útspilið vera viðbragð við vaxandi eftirspurn sem komi mestmegnis erlendis frá. 

Verðið á bitcoin náði nýjum hæðum í síðustu viku þegar það skagaði upp í 4.700 Bandaríkjadali og hefur það hækkað um 350% frá áramótum. 

• Blogga um frétt