Tryggingastofnun flytur í Hlíðasmára

Gengið hefur verið til samninga við fasteignafélagið Reginn um að Tryggingastofnun leigi húsnæðið að Hlíðasmára 11 til að hýsa starfsemi sína. 

Samkvæmt heimildum mbl.is eru viðræður nýhafnar og er stefnt að því að flytja starfsemi stofnunarinnar í nóvember. Reginn á allt húsnæðið og hefur núverandi leigutökum verið greint frá viðræðunum. Á meðal þeirra eru skrifstofa Rúmfatalagersins, Norðlenska og Tryggingamiðlun Íslands. 

Húsnæðið telur tæpa 2600 fermetra á fjórum hæðum en meginstarfsemi Tryggingastofnunar verður á þremur hæðum. Starfsmenn stofnunarinnar er nú um 110 talsins. 

Frétt af mbl.is

Tryggingastofnun flytur vegna myglu

Greint var frá því á mbl.is í vetur að tekin hefði verið ákvörðun um að flytja Trygg­inga­stofn­un rík­is­ins úr hús­næði sínu við Lauga­veg þar sem hún hef­ur verið í ára­tugi, vegna myglu. Ríf­lega 20 starfs­menn Trygg­inga­stofn­un­ar höfðu veikst eða fundið fyr­ir van­líðan sem var rak­in til mygl­unn­ar.

Myglan greind­ist fyrst í hús­næðinu und­ir lok des­em­ber 2016. Fyrst um sinn var reynt að hreinsa mygl­una út úr hús­næðinu og fólk var flutt til í hús­inu en það gekk ekki upp.

Hlíðarsmári 11. mbl.is/Þorsteinn

• 1 blogg um fréttina

Bloggað um fréttina

• GunniS: hótel