Fimm sagt upp hjá Gray Line

Fimm starfsmönnum var sagt upp hjá ferðaþjónustufyrirtækinu Gray Line Iceland í byrjun mánaðarins. Um er að ræða bílstjóra og leiðsögumenn.

Þórir Garðarsson, stjórnarformaður fyrirtækisins, segir ástæðu uppsagnanna tengda bókunarstöðu fyrirtækisins fram í tímann, en hann útilokar ekki að uppsagnirnar verði dregnar til baka. „Það tekur alltaf langan tíma fyrir uppsagnir að raungerast og vonandi breytist staðan á þeim tíma og þá verður staðan endurmetin,“ segir hann í samtali við mbl.is. 

Gray Line sagði upp 32 starfsmönnum á síðasta ári og ráðgert er að fyrirtækið muni draga saman seglin að hluta í útgerð hópferðabifreiða. „Þetta er hluti af því plani sem við vinnum eftir að stilla fyrirtækið af miðað við eftirspurn,“ segir Þórir.  

Frétt af mbl.is

Hafa fækkað um 32 starfsmenn á árinu

Hann segir að ekki sé hægt að segja til um á þessum tímapunkti hvort fyrirtækið muni ráðast í frekari uppsagnir á árinu. „Við ætlum okkur að vera bjartsýnir því það er virkilega erfitt að segja upp fólki, góðu fólki sem er búið að vinna með okkur lengi margir hverjir, þetta er ekki eitthvað sem maður gerir að gamni sínu.“

Þórir Garðarsson, stjórnarformaður Gray Line Iceland. mbl.is/Árni Sæberg

• 1 blogg um fréttina

Bloggað um fréttina

• Páll Vilhjálmsson: Uppsagnir í skugga skæruverkfalla