Eimskip svarað fyrir héraðsdómi
Setja bókamerki
„Samkeppniseftirlitið telur að rannsóknin sé lögum samkvæmt og mun eftirlitið svara málatilbúnaði félagsins við meðferð málsins fyrir Héraðsdómi Reykjavíkur,“ segir Páll Gunnar Pálsson, forstjóri Samkeppniseftirlitsins, í samtali við mbl.is um kröfu Eimskips um að rannsókn stofnunarinnar á félaginu verði úrskurðuð ólögmæt.
Páll Gunnar kveðst ekki hafa meira um málið að segja á þessu stigi og vísar á yfirlýsingu á vef stofnunarinnar.
Baldvin Þorsteinsson, stjórnarformaður Eimskips, sagði í samtali við mbl.is í gær að krafa Eimskips byggir meðal annars á því að félagið telji rannsóknina hafa verið formlega felld niður árið 2015 og að um sé að ræða ólögmæta haldlagningu gagna. Jafnframt að Samkeppniseftirlitið í raun hafa staðið fyrir lögreglurannsókn sem ekki sé í verkahring stofnunarinnar.
Á vef Samkeppniseftirlitsins segir stofnunin að „umrædd rannsókn Samkeppniseftirlitsins hófst með húsleit í september 2013. Var eldri rannsókn á tilteknum afmörkuðum atriðum sameinuð málinu. Hefur rannsókn eftirlitsins staðið sleitulaust síðan og miðar rannsókninni vel, en umfang rannsóknarinnar er verulegt.“
Þungt hugsi yfir ofbeldinu
Alvarlega veikar og greindust að lokum með alnæmi
Engin læknisþjónusta á heilsugæslunni í verkfalli
Oddvitaviðtöl í Reykjavík suður
/frimg/1/51/19/1511999.jpg)
Lenda í háska í óskipulögðum jöklaferðum
Stjórnvöld stíga ekki inn í kjaradeilurnar
Kvikusöfnun 80% af því sem var fyrir síðasta gos