Árni og Hallbjörn fjárfesta í Kjarnanum

Tveir nýir hluthafar hafa fjárfest í fjölmiðlafyrirtækinu Kjarnanum miðlum ehf., útgáfufélagi Kjarnans og Vísbendingar, og hvor um sig keypt 4,67% hlut. Annars vegar er um að ræða Vogabakka ehf., í eigu fjárfestanna Árna Haukssonar og Hallbjörns Karlssonar og hins vegar þau Úlf Erlingsson og Charlottu Maríu Hauksdóttur. Greint er frá nýjum hluthöfum á vef miðilsins.

Árni og Hallbjörn hafa verið viðskiptafélagar um langt skeið, en þeir áttu meðal annars Húsasmiðjuna fyrir um 15 árum. Þá áttu þeir stóran hlut í Högum sem þeir seldu árið 2014 og innleystu um 2,3 milljarða hagnað eftir að hafa keypt í félaginu árið 2011.

Þá átti Vogabakki hlut í Morgundegi, útgáfufélagi Fréttatímans, á tímabili, en seldi það áður en Fréttatíminn fór í þrot.

Úlfar er aðstoðarprófessor við tölvunarfræðideild HR og hefur meðal annars starfað hjá Microsoft. Charlotta er ljósmyndari og listakona og lauk meistaragráðu í listum frá San Francisco Art Institute árið 2004.

Eftir kaupin eru hluthafar Kjarnans eftirfarandi:

• HG80 ehf. í eigu Hjálm­ars Gísla­son­ar 17,68%
• Mið­eind ehf. í eigu Vil­hjálms Þor­steins­sonar 17,21%
• Birna Anna Björns­dótt­ir 11,80%
• Magnús Hall­dórs­son 11,32%
• Þórður Snær Júl­í­us­son 10,01%
• Hjalti Harð­ar­son 7,59%
• Fagri­skógur ehf. í eigu Stef­áns Hrafn­kels­son­ar 4,67%
• Milo ehf. í eigu Gumma Haf­steins­sonar og Eddu Haf­steins­dótt­ur 4,67 %
• Voga­bakki ehf. í eigu Árna Hauks­sonar og Hall­björns Karls­sonar 4,67%
• Charlotta María Hauks­dóttir og Úlfar Erlings­son 4,67%
• Birgir Þór Harð­ar­son 2,37%
• Jónas Reynir Gunn­ars­son 2,37%
• Fanney Birna Jóns­dótt­ir 0,93%

• 2 blogg um fréttina

Bloggað um fréttina

• Páll Vilhjálmsson: Frá Gunnari Smára til Kjarnans
• Viggó Jörgensson: Óþolandi þróun.