Minnsti hagvöxtur frá 2010

Hagvöxtur mældist 1,4% á öðrum ársfjórðungi ársins. Er það viðsnúningur frá fyrsta ársfjórðungi er hann dróst saman um 0,9%. Að teknu tilliti til verðbólgu var hagvöxtur því 0,3% á fyrri helmingi árs og er það minnsti hagvöxtur frá árinu 2010, að því er segir í Hagsjá Landsbankans, sem gefin var út í gær.

Frétt af mbl.is

1,4% hagvöxtur

Að mati Landsbankans var hagvöxtur annars ársfjórðungs að miklu leyti borinn upp af vexti einkaneyslu, sem nam 2,2%, og samneyslu.

Innflutningur dróst saman um 12,4% og er þetta mesti samdráttur hans frá árinu 2009, en jafnframt þriðji ársfjórðungurinn í röð sem hann dregst saman. Þar af dróst vöruinnflutningur saman um 9,9% en „þjónustuinnflutningur“, þ.e. kaup Íslendinga á þjónustu erlendis, um 16,8%. Má meðal annars rekja það til færri utanlandsferða Íslendinga.

• 1 blogg um fréttina

Bloggað um fréttina

• Ásgrímur Hartmannsson: Bíðið bara eftir samdrættinum