Hyggjast hefja flug frá Kína til Íslands

Fjögur kínversk flugfélög hafa sett stefnuna á Íslandsflug á næsta ári. Eitt þeirra, Juneyao Air, hyggst hefja flug frá Kína til Íslands með viðkomu í Helsinki næsta vor.

Frá þessu er greint í Fréttablaðinu í dag.

Þar segir að stefnt sé að því að fljúga frá Shanghai til Íslands, með viðkomu í finnsku höfuðborginni, allt að þrisvar í viku. 

Loftferðasamningar milli ríkja kveða á um að flugfélög njóti tilnefningar frá viðkomandi stjórnvaldi. Ekki er ljóst hvort Juneyao Air hefur slíkar tilnefningar frá kínverskum stjórnvöldum.

Frétt af mbl.is

Skoða flug frá Kína til Íslands

Auk þess mun Air China og Beijing Capital Airlines vera að kanna flug til Íslands. Þá hefur flugfélagið Tinajin Airlines sótt um þrjá afgreiðslutíma á Keflavíkurflugvelli fyrir veturinn. Gert er ráð fyr­ir flugi frá kín­versku borg­inni Wu­h­an til Hels­inki og þaðan rak­leiðis til Íslands.

• 1 blogg um fréttina

Bloggað um fréttina

• Sigurður Antonsson: Beint flug frá Kína og áfram