Horfum vegna þýskra banka breytt í neikvæðar

Matsfyrirtækið Moody's breytti horfum vegna þýskra banka úr stöðugum í neikvæðar í dag. Varaði fyrirtækið við því að hagnaður þeirra og lánshæfi myndi minnka á komandi mánuðum að því er segir í frétt AFP.

Fyrirtækið varar enn fremur við því að bankarnir hafi ekki lagt nægjanlegt fé fyrir til þess að mæta áhættu vegna mögulegs greiðslufalls lántakenda. Það fé sem lagt væri fyrir í þeim efnum í dag væri of lítið til þess að staðan gæti talist sjálfbær.

Minni bankar, sem treysti á innistæður viðskiptavina sinna til þess að fjármagna sig, hafi einkum horft fram á minni hagnað vegna lágra stýrivaxta sem hafi orðið til þess að margir forsvarsmenn fjármálafyrirtækja hafi gagnrýnt Evrópska seðlabankann fyrir vaxtastefnu hans.

• 1 blogg um fréttina

Bloggað um fréttina

• Jóhann Elíasson: HVERSU LENGI SKYLDI SEÐLABANKI EVRÓPU (ECB) GETA BJARGAÐ EVRUNNI???