Verð á hlutabréfum í bandarísku kauphöllinni féll í dag, en lækkunina má rekja til ótta fjárfesta við kórónuveiruna sem geisað hefur víða um heim undanfarnar vikur.

S&P 500-hlutabréfavísitalan lækkaði um rúm 3%. Þá hefur hlutabréfaverð í flugfélögum vestra tekið dýfu sem og verð í hlutabréfum í iðn-, fjármála- og orkufyrirtækjum, að því er New York Times greinir frá.

Miklar sveiflur hafa verið á hlutbréfamörkuðum vestra undanfarna viku en fjárfestar hafa átt í erfiðleikum með að átta sig almennilega á þeim efnahagslega skaða sem útbreiðsla kórónuveirunnar gæti valdið.

Eftir að markaðir lokuðu í dag greindi kaffihúsakeðjan Starbucks m.a. frá því að salan á núverandi ársfjórðungi í Kína, þar sem fyrirtækið rekur fjölmörg kaffihús, muni dragast saman um helming miðað við sama tíma í fyrra. Er höggið metið á 400-430 milljónir dala, eða sem samsvarar um rúmum 50 milljörðum kr.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Lokun álvera og sæstrengjum veifað.