Í greiningu Lífeyrissjóðs verzlunarmanna á því hvort þátttaka í hlutafjárútboði Icelandair væri vænleg var meðal annars stuðst við rýnivinnu með flugfélagasérfræðingum hjá Bloomberg, haldnir fundir með stjórnendum Icelandair, sendar spurningar til félagsins og fenginn utanaðkomandi ráðgjafi til að rýna fjárfestingakostinn. Þá var einnig fenginn erlendur ráðgjafi til að rýna í umhverfisþætti félagslega þætti og stjórnunarhætti félagsins. Að lokum stillti sjóðurinn, í samstarfi við ráðgjafa sinn, upp verðmatslíkani til að meta vænta ávöxtun af fjárfestingunni.

Þetta kemur fram í tilkynningu frá sjóðnum í kjölfar þess að hann tók ekki þátt í hlutafjárútboði Icelandair í síðustu viku. „Sjaldan hefur fjárfestingakostur sjóðsins verið rýndur með jafn ítarlegum hætti og hlutafjárútboð Icelandair,“ segir í tilkynningunni.

Frétt af mbl.is

Stærsti hluthafinn tók ekki þátt í útboðinu

 Stjórn sjóðsins fundaði fjórum sinnum þar sem fjárfestingin var skoðuð og rædd. Niðurstaðan var að áhættan í fjárfestingunni væri mikil og vænt ávöxtun vægi ekki upp þá áhættu. Á þeim forsendum var tekin ákvörðun um að taka ekki þátt í útboðinu.

Lífeyrissjóðurinn var fyrir útboðið stærsti einstaki eigandi í Icelandair, en hlutur sjóðsins mun þynnast mikið í kjölfar þess.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Til hvers alla þessa lífeyrissjóði?