Alls voru brottfarir erlendra farþega frá landinu um Keflavíkurflugvöll um tíu þúsund í september skv. talningu Ferðamálastofu og Isavia. Þeir voru 94,5% færri en í september á síðasta ári þegar brottfarir voru tæplega 184 þúsund talsins.

Mikil fækkun átti sér einnig stað á milli mánaðanna ágúst og september, eftir að ferðatakmarkanir voru hertar, en í ágúst sl. voru brottfarir í Keflavík tæplega 64 þúsund talsins, að því er fram kemur í Morgunblaðinu í dag.

Í umfjöllun á vef Ferðamálastofu er bent á að ástæður fyrir fækkun erlendra gesta til landsins það sem af er ári ættu að vera öllum ljósar, því allt frá því að áhrifa kórónuveirufaraldursins fór að gæta fyrir alvöru í mars hefur orðið hrun í fjölda. „Þannig var fækkunin milli ára um 53% í mars, um 99% í apríl og maí, 97% í júní, 80% í júlí, 75% í ágúst og 95% í september [...],“ segir þar.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir