Gengi Icelandair skýst upp að nýju

Gengi hlutabréfa í flugfélaginu Icelandair hafa hækkað um nær 7% það sem af er degi. Stendur gengið nú í 1,6 kr. Bréfin höfðu tekið skarpa dýfu í gær, en lægst fór gengið í  1,41 kr. 

Óljóst er hvað veldur hækkun dagsins en þó má gera ráð fyrir að jákvæðar fregnir af bóluefni hafi áhrif á gengið. Frá því var greint í dag að um þrjú þúsund skammtar af bóluefni Pfizer muni berast hingað til lands vikulega frá áramótum og út marsmánuð. 

Frétt af mbl.is

3.000 skammtar af bóluefni á viku

Sé miðað við gengið sem stendur hafa bréf Icelandair hækkað um 60% frá hlutafjárútboði í september. Þá var hver hlutur seldur á eina krónu. 

• 1 blogg um fréttina

Bloggað um fréttina

• Ómar Ragnarsson: Staða faraldursins og flughermarnir ráða miklu.