Þegar útlitið var hvað dekkst og óvissan hvað mest spáðu sérfræðingar allt að 18% samdrætti landsframleiðslu út af kórónukreppunni. Tölur Hagstofunnar benda hins vegar til að samdrátturinn hafi verið 6,6% í fyrra sem er minna en bankarnir og Seðlabankinn áætluðu í spám sínum.

Konráð S. Guðjónsson, aðstoðarframkvæmdastjóri Viðskiptaráðs, segir þetta ánægjuefni.

„Það má segja að besta sviðsmyndin hafi ræst sem er afar ánægjulegt,“ segir Konráð.

Engu að síður er þetta annar mesti samdráttur frá seinna stríði en árið 2009 mældist 7,7% samdráttur.

Þá benda viðmælendur Morgunblaðsins innan ferðaþjónustunnar á að útflutningur hafi dregist saman um 350 milljarða milli ára 2019 og 2020, eða um tæpan milljarð á dag. Mótvægisaðgerðir hafi mildað höggið.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir