Hafa vaxið um 80 milljarða króna

Kjartan Smári Höskuldsson, framkvæmdastjóri Íslandssjóða, sem eru dótturfélag Íslandsbanka, segir hlutabréfaeign Íslendinga hafa stóraukist í kórónuveirufaraldrinum.

„Þetta eru ótrúlega hraðar og miklar breytingar. Við erum að tala um að sjóðirnir hafa vaxið úr 65 milljörðum í byrjun árs 2020 í yfir 147 milljarða 31. ágúst síðastliðinn,“ segir Kjartan Smári og vísar til hlutabréfasjóða sem fjárfesta eingöngu í innlendum hlutabréfum, eða svokallaðra hreinna hlutabréfasjóða.

Byggja upp varasjóði

Þá segir Kjartan Smári vísbendingar um að þeim Íslendingum muni fjölga varanlega sem eiga sem svarar nokkurra mánaða launum í verðbréfasjóðum eða á innlánsreikningum. Með því hafi þeim heimilum fækkað markvert sem eiga litla sem enga varasjóði.

„Ef við berum okkur saman við okkar helstu samanburðarlönd í Skandinavíu og Norður-Evrópu hafa Íslendingar ekki verið neitt sérstaklega mikið fyrir að spara í gegnum tíðina. Það er að segja fyrir utan eignamyndun í húsnæði og lífeyrissparnaðinn sem er hryggjarstykkið í sparnaði á Íslandi. Seðlabankinn reiknar út sparnað sem hlutfall af ráðstöfunartekjum. Langtímasparnaðarhlutfallið hefur verið í kringum 11% á Íslandi.

Það gerðist hins vegar í faraldrinum að sparnaðarhlutfallið nánast tvöfaldaðist og fór yfir 20% í einhverjum mælingum í fyrra.

Lestu meira um málið í ViðskiptaMogganum í dag.