Spá 0,25 prósentustiga hækkun stýrivaxta

Hagfræðideild Landsbankans spáir því að peningastefnunefnd Seðlabanka Íslands hækki stýrivexti um 0,25 prósentustig í næstu viku. Þeir fari þar með úr 1,5% upp í 1,75%.

Fram kemur í Hagsjá deildarinnar að vaxtahækkun núna væri eðlilegt framhald af vaxtahækkunarferlinu sem hófst í vor. Þrátt fyrir að deildin telji að 0,25% hækkun verði ofan á núna telur hún einnig vera nokkrar líkur á 0,5 prósentustiga hækkun.

Peningastefnunefndin tilkynnir um stýrivaxtaákvörðun 17. nóvember.

„Við teljum að verðbólga nái hámarki sínu í desember en í nýútkominni spá okkar spáum við því að verðbólga muni þá mælast 5,2%. Litið til þróunar á næsta ári teljum við að verðbólgan muni hjaðna smátt og smátt,” segir einnig í Hagsjánni.

• 1 blogg um fréttina

Bloggað um fréttina

• Örn Gunnlaugsson: Spákonurnar í bankanum.