Gunnar Smári í fjölmiðlarekstur

Alþýðufélagið hefur stofnað fjölmiðlafyrirtækið Samstöðina ehf. Félagið hefur haldið úti dagskrá á samnefndri vefrás frá 2020.

Formaður stjórnar er Gunnar Smári Egilsson, formaður Sósíalistaflokks Íslands. Gunnar Smári starfaði áður sem fjölmiðlamaður og hefur komið að rekstri nokkurra fjölmiðlafyrirtækja, meðal annars Dagsbrúnar og Fréttatímans sem varð gjaldþrota sumarið 2017.

Fram kemur í Lögbirtingablaðinu að tilgangur Samstöðvarinnar sé að „standa fyrir og útvarpa fundum um samfélagsmál, bæði í raunheimi og netheimi, og ýta undir umræðu í samfélaginu með þáttagerð, skrifum og hvers konar umfjöllun.“

Samstöðin er sem fyrr segir í eigu Alþýðufélagsins. Í stjórn félagsins eru, ásamt Gunnari Smára, meðal annars Halla Gunnarsdóttir framkvæmdastjóri ASÍ og Þóra Kristín Ásgeirsdóttir upplýsingafulltrúi Íslenskrar erfðagreiningar og fv. ritstjóri Smugunnar (vefrits VG). Þá eru þær Ólína K. Þorvarðardóttir fv. þingmaður og Sanna Magdalena Mörtudóttir borgarfulltrúi Sósíalistaflokksins í varastjórn.

• 2 blogg um fréttina

Bloggað um fréttina

• Páll Vilhjálmsson: RSK-miðlar fá liðsauka Gunnars Smára
• Jóhann Elíasson: "EINS OG KÚKUR SEM STURTAST EKKI NIÐUR"........