Íslandsbanki svarar Kviku játandi

Stjórn Íslandsbanka samþykkti í dag að hefja samrunaviðræður við Kviku banka, en Kvika óskaði sem kunnugt er eftir viðræðum við Íslandsbanka um samruna í síðustu viku.

Ef af samruna verður, mun sameinaður banki vera sá stærsti á landinu.

Frétt af mbl.is

Kvika vill skoða samruna við Íslandsbanka

Í tilkynningu frá Ísalndsbanka keur fram að stjórn bankans telji að í samruna félaganna geti falist sóknar- og hagræðingartækifæri og að viðskiptavinir sameinaðs félags geti notið þess í breiðara vöruframboði, aukinni þjónustu og lægri kostnaði.

Þá kemur fram að með sameiningu myndi efnahagsreikningur Íslandsbanka stækka um tæplega 20% og tryggingarekstur Kviku auka fjölbreytni í tekjugrunni bankans.

Frétt af mbl.is

Yrði stærsti banki landsins

„Telur stjórn bankans ávinning geta falist í samrunanum fyrir bæði hluthafa og viðskiptavini beggja félaga. Bankarnir tveir starfa á mikilvægum mörkuðum og leggur Íslandsbanki áherslu á að þeir viðhaldi samkeppnislegu sjálfstæði sínu á meðan ferlinu stendur. Leggur bankinn jafnframt áherslu á opin og hreinskiptin samskipti við viðeigandi eftirlitsaðila í ferlinu,“ segir í tilkynningunni.

Þá kemur fram að samruni félaganna sé háður samþykki hluthafafundar beggja félaganna og viðeigandi eftirlitsaðila.

• 2 blogg um fréttina

Bloggað um fréttina

• Jóhann Elíasson: EKKI ER ALLT SEM SÝNIST - HVAÐ ER "RAUNVERULEGA" Í …
• Páll Vilhjálmsson: Kvika er Grundarkjör á sterum