Borgin aflar 3,2 milljarða króna með skuldabréfaútgáfu
Setja bókamerki
Reykjavíkurborg tók tilboðum fyrir tæplega 3,2 milljarða króna í skuldabréfaútboði borgarinnar sem fram fór í gær. Alls bárust tilboð fyrir tæpa 4,6 milljarða.
Ákveðið var að taka tilboðum fyrir tæpa 1,3 milljarða að nafnvirði í verðtryggðum flokki RVK 32 1, á ávöxtunarkröfunni 3,61%. Í verðtryggðum flokki RVKG 48 1 tók borgin tilboðum fyrir tæpa 1,9 milljarða á ávöxtunarkröfunni 3,5.
Kjörin á skuldabréflokkunum eru tæplega hálfu prósentustigi hærri en á verðtryggðum bréfum Lánasjóðs sveitarfélaga, en ávöxtunarkröfur á skuldabréfaflokka lánasjóðsins eru á bilinu 3,04-3,22%. Þá er ávöxtunarkrafa á verðtryggða skuldabréfaflokka ríkisins á bilinu 1,8-1,9%.
Í fjárhagsáætlun Reykjavíkurborgar fyrir árið var áformað að taka lán fyrir allt að 21 milljarð króna að markaðsvirði. Til stóð að fara í sex skuldabréfaútgáfur á fyrri hluta ársins, en borgin hætti sem kunnugt er við útgáfu í mars og apríl. Borgin hefur nú aflað sér 7,2 milljarða með skuldabréfaútgáfu auk þess sem dregið hefur verið á lánalínu hjá Íslandsbanka, um alls þrjá milljarða króna.
Yfir 300 stæði fóru undir hraun
Hentugt gos fyrst gýs á annað borð
Drónamyndskeið frá hápunkti gossins í nótt
Dómur þyngdur um þrjú ár
Fullvissa ferðamenn um að hér sé öruggt
„Höfum sloppið bærilega með skaða af þessu gosi“
Nýtt fangelsi í landi Stóra-Hrauns tilbúið 2028