Spá því að stýrivextir hækki um 0,5%
Setja bókamerki
Hagfræðideild Landsbankans spáir því að peningastefnunefnd Seðlabanka Íslands hækki vexti bankans um 0,5 prósentustig í næstu viku, úr 9,25% í 9,75%. Ef sú spá rætist væri það fimmtánda stýrivaxtahækkunin í röð.
Þetta kemur fram í tilkynningu frá hagfræðideildinni, sem spáir því einnig að 0,25 stiga hækkun verði einnig tekin til umræðu.
Peningastefnunefnd Seðlabankans kemur saman í næstu viku og kynnir vaxtaákövðrun á miðvikudag, þann 4. október. Seinast hækkaði nefndin vexti um 0,5 prósentustig en þá höfðu margir spáð hækkun um 0,25 stig.
Verðbólgan í átta prósentum
Tólf mánaða verðbólga mældist í gær 8%. Vísitala neysluverðs, miðuð við verðlag í september 2023, er 599,9 stig og hefur því hækkaði um 0,35% milli mánaða.
Þá hafði hagfræðideild landsbankans spáð því að verðbólga myndi aðeins mælast 7,7%.
Seinast þegar peningastefnunefnd kom saman var nýjasta verðbólgumælingin fyrir júlímánuð, 7,6% verðbólga.
Ekki óhugsandi að nefndin taki lítið skref
„Í stuttu máli er verðbólgan nú 0,4 prósentustigum hærri, verðbólguvæntingar virðast hafa versnað og þrátt fyrir að verulega hafi hægt á vexti einkaneyslu mældist hagvöxtur 4,5% á öðrum ársfjórðungi,“ segir í tilkynningu frá hagfræðideildinni.
„Í ljósi aukinnar verðbólgu og vísbendinga um að markaðir hafi litla trú á að verðstöðugleiki sé í sjónmáli teljum við að nefndin ákveði, í fimmtánda sinn í röð, að hækka vexti. Það má færa rök fyrir 0,25% hækkun, og ekki óhugsandi að nefndin taki lítið skref í þetta sinn og bíði átekta. Það væri hins vegar í betra samræmi við ákvarðanir nefndarinnar síðustu mánuði að stíga fast til jarðar og hækka vexti um 0,5 prósentur.“
Vegirnir voru eins og borðstofuborð
Ökumaður í símanum valdur að umferðarslysi
50 milljónir eiga að minnka svindl um 1 milljarð
Vika í kosningar: Þetta segja kannanir
Ekki vandamál að vera karlmaður
Dregið úr gosóróa
Pútín reynir allt til að forðast aðra herkvaðningu
Þarf að koma til móts við ólíkar þarfir lækna