Jarðboranir segja upp 50 starfsmönnum

Íslenska fyrirtækið Jarðboranir sögðu nýlega upp 50 starfsmönnum á Nýja Sjálandi. Ástæða hópuppsagnarinnar er óvissa um framhald verkefna fyrirtækisins á Nýja Sjálandi.

Þetta staðfestir Sveinn Hannesson, forstjóri Jarðborana, í svari við fyrirspurn mbl.is.

Sveinn segir eftirsjá af þessum sérhæfðu sérfræðingum en tekur fram að þetta hafi ekki áhrif á starfsemi fyrirtækisins á Íslandi né starfsmenn fyrirtækisins hér á landi.

Segir hann bjart fram undan á Íslandi, í Evrópu og víðar í jarðhitaborunum.

„Eins og komið hefur fram í fréttum undanfarið, er yfirvofandi orkuskortur í landinu og við vonum að fyrirtæki og opinberir aðilar flýti ákvörðunum sem þarf augljóslega að taka varðandi fjárfestingar í orkugeiranum,“ segir hann í skriflegu svari til mbl.is.

Frétt af mbl.is

Styrki flutningsnetið

• Blogga um frétt