Aldrei að hrósa hálfjárnuðum hesti
Setja bókamerki
Vel hefur tekist til varðandi fjármálastöðugleika hér á landi, að mati Ásgeirs Jónssonar seðlabankastjóra.
Á kynningarfundi Seðlabanka Íslands í morgun vegna yfirlýsingar fjármálastöðugleikanefndar, var spurt hvort þróunin hérlendis eftir að heimsfaraldrinum lauk væri ekki til marks um að vel hefði tekist til varðandi varðveislu fjármálastöðugleika.
„Þetta er ekki búið ennþá“
„Þeir segja í Skagafirði að það megi ekki hrósa hálfjárnuðum hesti,” sagði Ásgeir og bætti við að það sama ætti við um fjármálastöðugleikann. Þar væri niðursveiflan eftir. Tekist hefði að halda skuldsetningu í kerfinu verulega niðri og eiginfjárhlutfall heimilanna í húsnæði hefði hækkað verulega.
Ásgeir sagði bankann ekki sjá ójafnvægi í kerfinu. Það væri jákvætt og engir stórir innri áhættuþættir væru í kerfinu. „En þetta er ekki búið ennþá,” sagði hann og nefndi að vextir væru enn mjög háir og raunvextir væru að hækka, sem myndi setja álag á fjármálakerfið, líka þegar hægja færi á hagkerfinu.
„Það hvað það virðist vera að hægja á efnahagslífinu og draga úr þenslu eykur líkurnar á mjúkri lendingu, sem er gott fyrir fjármálastöðugleika,” greindi Ásgeir frá.
Kjarasamningar jákvæð tíðindi
Hann sagði einnig að undirritun kjarasamninganna á dögunum vera jákvæð tíðindi út frá fjármálastöðugleika. Með því aukist fyrirsjáanleiki.
Bankastjórinn tók þó fram að Íslendingar væru háðir því sem gerðist í útlöndum. Þó svo að það líti út fyrir að fjármálakerfið væri traust mætti alltaf búast við áföllum erlendis frá. Gott væri að vera viðbúin þeim.
Éljagangur en síðan slydda eða rigning
/frimg/1/53/82/1538213.jpg)
„Hálendið eiga menn að skoða“
Æskuvinir sem fóru í víninnflutning frá Georgíu
Sex fluttir með þyrlunni og þar af eitt barn
Spá 13-18 stiga frosti í borginni
Björgunarsveitir kallaðar út í nótt
Hellisheiði og Þrengsli ekki opnuð í dag
Feðgar saman í Grænlandstúr á jólum