Nokkrir eru særðir eftir skotárás í skóla í Parkland í Flórída og í það minnsta einn er látinn. Fólk er hvatt til þess að forðast svæðið þar sem árásarmaðurinn er enn laus.
Í það minnsta einn er látinn, að því er fréttamaður dagblaðsins Miami Herald hefur eftir lögreglumanni á vettvangi. Þá er hlúð að hinum særðu á grasflöt fyrir framan skólann.
Lögregla biður nemendur og kennara að halda kyrru fyrir inni í skólanum þar til lögreglumenn komast til þeirra. Bandaríska alríkislögreglan FBI er einnig til aðstoðar á vettvangi.
Foreldrum er gert að halda sig í um einnar mílu fjarlægð frá skólanum og reyna sumir að róa börnin sín, sem enn eru inni í skólanum, í gegnum síma. Skotárásin hófst undir lok skóladags en ekki hefur enn tekist að rýma skólann.
Fréttin hefur verið uppfærð.
Police are working an active shooter scene, and ask that if you are in touch with your student you ask that they remain calm and barricaded until police come to their room, this is for everyone's safety. Do NOT call our 911 or non-emergency number unless it is an emergency.
— Coral Springs Police (@CoralSpringsPD) February 14, 2018