Andskotans demókratar og Trump-hatarar
Setja bókamerki
Fyrrverandi viðskiptaráðgjafi Donald Trumps á meðan hann gegndi embætti forseta, Peter Navarro, gaf sig fram við fangelsisyfirvöld í Flórída í dag til að hefja fjögurra mánaða afplánun sína.
Navarro var dæmdur til fangelsisvistar í september í fyrra fyrir að vanvirða þingnefnd Bandaríkjanna en hann neitaði að bera vitni fyrir nefndinni í tengslum við rannsókn hennar á árás stuðningsmanna Trumps á þinghús Bandaríkjanna þann 6. janúar 2021.
Navarro er einnig hönnuður „Green Bay Sweep“-áformanna svokölluðu sem áttu að koma í veg fyrir að bandaríska þingið myndi staðfesti kosningaúrslitin 2020.
Segir Donald Trump veita sér styrk
Er Navarro hæst setti fyrrum starfsmaður Trump-stjórnarinnar sem mun eyða tíma bak við lás og slá í tengslum við tilraunir fyrrverandi forsetans til að hnekkja úrslitum kosninganna 2020.
Var beiðni Navarro um að vera frjáls ferða sinna á meðan hann áfrýjaði sakfellingunni hafnað af hæstaréttardómaranum John Roberts í gær og mun hann afplána fangelsisvist sína í lágmarksöryggisfangelsi í Miami.
Á leið sinni í fangelsið stoppaði Navarro á bílastæði verslunarmiðstöðvar í Miami til að ræða við blaðamenn og kvaðst vera fórnarlamb „flokksbundinnar vopnvæðingar“ á bandaríska réttarkerfinu enda sé hann fyrsti háttsetti ráðgjafi Hvíta hússins til að vera ákærður fyrir þennan „meinta glæp“.
„Sérhver manneskja sem hefur komið mér á þessa leið í fangelsið er andskotans demókrati og Trump-hatari,“ sagði Navarro.
„Eitt mun þó veita mér styrk: Donald John Trump er forsetaefni repúblikana í forsetakosningunum.“
Hvorki sést áður hér á landi né annars staðar
Krefjast stöðvunar framkvæmda
Kaldasti veturinn kom að óvörum
Skaut sex sinnum að feðginum á aðfangadagskvöld
Væri að ljúga ef ég segðist ekki stressaður
Frambjóðendur skila inn listum í Hörpu
Rothissa á vinnubrögðum forystu BÍ