Sex umsækjendur eru um embætti forstjóra Barnaverndarstofu en félagsmálaráðuneytið birti nöfn umsækjendanna á vefsvæði sínu á vef Stjórnarráðsins í dag.
Félagsmálaráðherra skipar í stöðuna til fimm ára að undangengnu mati sérstakrar hæfnisnefndar og rann umsóknarfrestur út 28. janúar.
Á meðal umsækjenda er Heiða Björg Pálmadóttir, starfandi forstjóri Barnaverndarstofu, en hún tók við þegar Bragi Guðbrandsson, fyrrverandi forstjóri stofnunarinnar, fór í leyfi.
Nöfn umsækjenda:
Birna Guðmundsdóttir
Guðlaug María Júlíusdóttir.
Heiða Björg Pálmadóttir.
Katrín Jónsdóttir.
Róbert Ragnarsson.
Svala Ísfeld Ólafsdóttir.