Innlent | mbl | 7.9.2019 | 20:12 | Uppfært 21:22

Breytingar lækki skatta allra tekjutíunda

Frá kynningu fjárlagafrumvarps í gær. mbl.is/Árni Sæberg

Samsköttun er og verður áfram í skattkerfinu, auk þess sem heimild til samnýtingar skattþrepa, sem innleidd var í skattkerfið 2010, verður óbreytt í nýju skattkerfi.

Þetta kemur fram í yfirlýsingu frá Páli Ásgeiri Guðmundssyni, aðstoðarmanni fjármálaráðherra, vegna ummæla Sigmundar Davíðs Gunnlaugssonar um nýtt fjármálafrumvarp í viðtali við mbl.is.

„Það er því rangt hjá Sigmundi Davíð að verið sé að hækka skatta um 3 ma.kr. Breytingar á skattkerfinu munu þvert á móti lækka skatta allra tekjutíunda og skila 21 ma.kr. í auknar ráðstöfunartekjur á ári til heimilianna.“

Frétt af mbl.is

Stærra bákn og meiri skattbyrði

Þá sé það einnig rangt hjá Sigmundi Davíð að það að hækka persónuafslátt hefði skilað meiri ávinningi til tekjulægstu hópanna. „Sú aðferð hefði þvert á móti skilað mun minni ávinningi til lágtekjuhópa og hefði auk þess skilað sömu krónutölu upp allan tekjustigann.“