Þórólfur Guðnason sóttvarnalæknir hvatti hjúkrunarheimili og sjúkrastofnanir á upplýsingafundi Almannavarna í dag til að skerpa á umgengnisreglum vegna fjölgunar kórónuveirusmita síðustu daga. 

Frétt af mbl.is

Aðgerðir ekki hertar innanlands

„Við erum búin að því,“ segir Gísli Páll Páls­son, for­stjóri Grund­ar­heim­il­anna og formaður Samtaka fyrirtækja í velferðarþjónustu, SFV, í samtali við mbl.is. 

Búið var að aflétta öllum heimsóknartakmörkunum. Ekki verður gripið til ákveðinna takmarkana á heimilunum nú, heldur er frekar um að ræða vinsamlegar ábendingar að sögn Gísla. Aðstandendum og starfsfólki hefur verið tilkynnt í hverju þær felast.  

„Það eru þessar persónulegu sóttvarnir, ekki koma í heimsókn ef grunur leikur á smiti og ekki koma ef þú ert nýkominn frá útlöndum,“ segir Gísli. 

Þá er mælst til þess að börn komi ekki í heimsókn sem stendur, en það er ekki bannað. 

„Þetta eru í raun ábendingar og óskir um að fólk hagi sér skynsamlega,“ segir Gísli. Hann veit ekki til þess að önnur dvalar- eða hjúkrunarheimili ætli að grípa til hertari aðgerða en fylgst verður áfram grannt með þróun faraldursins.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt