55 kórónuveirusmit greindust innanlands í gær. 16 voru utan sóttkvíar við greiningu. 31 af þeim sem greindust voru óbólusettir en hinir 24 voru fullbólusettir. Níu eru á sjúkrahúsi vegna Covid-19, þar af einn á gjörgæslu.
14 daga nýgengi innanlands á hverja 100.000 íbúa stendur nú í 128,7. Nýgengið á landamærunum er nú 7,4.
1.987 eru í sóttkví, 386 í einangrun og 408 í skimunarsóttkví.
Eitt virkt smit greindist við landamærin í gær.
Tæplega 3.000 sýni voru tekin í gær. Um 3% sýna í sóttkvíar- og handahófsskimun, sem og í einkennasýnatöku, voru jákvæð. Hlutfallið var innan við 1% hvað varðar landamæraskimun.
Fréttin hefur verið uppfærð