„Ég held að við förum áfram í lokakeppnina eftir vítaspyrnukeppni,“ sagði Arnar Gunnlaugsson, þjálfari Íslands- og bikarmeistara Víkings úr Reykjavík í knattspyrnu, í Fyrsta sætinu.

Arnar, sem er þjálfari Íslands- og bikarmeistara Víkings, gerði meðal annars upp landsleik Íslands og Ísraels í undanúrslitum umspilsins um sæti í lokakeppni EM 2024 þar sem Ísland fagnaði stórsigri, 4:1, í Búdapest á fimmtudaginn, ásamt því að spá í spilin fyrir komandi úrslitaleik gegn Úkraínu í Wroclaw í Póllandi á þriðjudaginn.

Frétt af mbl.is

Þrenna Alberts og Ísland í úrslitaleikinn

Ísraelsleikurinn rússíbanareið

Arnar, sem er 51 árs gamall og lék 32 landsleiki fyrir Ísland, spáir íslenskum sigri gegn Úkraínu í Wcroclaw á þriðjudaginn.

„Þessi Ísraelsleikur var algjör rússíbanareið og ég held að það haldi áfram gegn Úkraínu,“ sagði Arnar.

„Við verðum nagandi neglurnar í 120 mínútur og klárum þetta í vító,“ sagði Arnar meðal annars.

Hægt er að hlusta á umræðuna í heild sinni í spil­ar­an­um hér fyr­ir ofan eða með því að smella hér. Þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Reglur KSÍ um meint brot leikmanna í endurskoðun

• Munu endurskoða samning landsliðsþjálfarans í haust
• Gæðin til staðar hjá Liverpool til þess að klára mótið?
• Arnar um Gylfa Þór: Ekkert launungarmál
• „Ég mun sakna hans mjög mikið“

» Fleiri tengdar fréttir

• Blogga um frétt