Spænska knattspyrnufélagið Real Madrid hefur samþykkt 100 milljón evra tilboð frá Juventus í portúgölsku stórstjörnuna Cristiano Ronaldo ef marka má spænska miðla í dag.
Spænski sjónvarpsþátturinn Jugones greindi frá þessu fyrst og hefur spænska vefsíðan AS einnig greint frá þessu. Ronaldo hefur verið hjá Real Madrid í níu ár, en hann gaf það í skyn eftir úrslitaleik Meistaradeildar Evrópu að hann væri tilbúinn að færa sig um set.
Ronaldo hefur skorað 450 mörk í 438 leikjum fyrir Real Madrid og hefur hann verið valinn besti knattspyrnumaður heims síðustu tvö ár.