Þingmenn Norðvesturkjördæmis hafa sent frá sér áskorun til stjórnar HB Granda um að fresta fyrirhuguðum áformum sínum um að loka botnfiskvinnslu fyrirtækisins á Akranesi og taka þess í stað upp viðræður við bæjaryfirvöld á staðnum um áform sem verið hafi í undirbúningi um framtíðaruppbyggingu fyrirtækisins þar.

Áskorunin er svohljóðandi:

„Þingmenn NV kjördæmis hafa á undanförnum árum fylgst með áformum um uppbyggingu fyrirtækisins á Akranesi, til framtíðar. Bæjarstjórn Akranes hefur á fundum kynnt þingmönnum þau áform og þann undirbúning sem unninn hefur verið af þeirra hendi. 

Það kom því á óvart að fyrirtækið kynnti í gær áform um að draga verulega úr starfsemi sinni á Akranesi. Ljóst er að það hefur i för með sér mjög alvarlegar afleiðingar fyrir samfélagið á Akranesi.

Þingmenn kjördæmisins skora á stjórn HB Granda að fresta aðgerðum um skerðingu á starfsemi og taka upp viðræður við bæjaryfirvöld á Akranesi um áform þau sem hafa verið í undirbúningi um framtíðaruppbygginu fyrirtækisins á Akranesi.“

Tengdar fréttir

Samdráttur í sjávarútvegi

Fyrrverandi starfsfólki „sé haldið í spennitreyju“

• Hagræðing í skipastól Síldarvinnslunnar
• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi

» Fleiri tengdar fréttir

• 1 blogg um fréttina

Bloggað um fréttina

• Egill Jón Kristjánsson: Nú koma þingmenn á hnjánum til útvegsmanna.