Stjórnarfundi HB Granda, þar sem rædd voru möguleg endalok botnfiskvinnslu fyrirtækisins á Akranesi, er nú lokið.

Að fundinum loknum náði mbl.is tali af Vilhjálmi Vilhjálmssyni, forstjóra HB Granda. Sagði hann að ákveðin niðurstaða hefði náðst á fundinum sem hann gæti þó ekki greint frá að svo stöddu. Hún yrði hins vegar kynnt fulltrúum starfsmanna og verkalýðshreyfingunni síðar í dag.

Spurður hvort ekki hafi verið rætt við forsvarsmenn Akraneskaupstaðar áður en þessi mögulega lokun var boðuð, og tilheyrandi uppsagnir, segir Vilhjálmur:

„Við erum búnir að vera að ræða við þá í tíu ár. Á síðastliðnum þremur árum höfum við svo lýst sýn okkar á það hver aðstaðan þyrfti að vera ef við ætluðum í uppbyggingu á allri okkar starfsemi á Akranesi. Og það er alveg ljóst að forsenda hennar hefur verið bætt hafnaraðstaða og uppfylling. Við höfum um hvorugt þetta að segja.“

Tengdar fréttir

Samdráttur í sjávarútvegi

Fyrrverandi starfsfólki „sé haldið í spennitreyju“

• Hagræðing í skipastól Síldarvinnslunnar
• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi

» Fleiri tengdar fréttir

• Blogga um frétt