Tvö hundruð höfrungum slátrað í Færeyjum

Rúmlega tvö hundruð höfrungum var slátrað í Skálafirði í Færeyjum í gær, eftir að þeir voru reknir inn fjörðinn og upp á land. Um er að ræða stærsta höfrungadrápið í Færeyjum síðan í ágúst 2013, þegar 430 höfrungar voru reknir til slátrunar.

Á færeyska fréttavefnum in.fo kemur fram að höfrungavaðan hafi fyrst fundist í Nólseyjarfirði áður en hún var rekin inn í Skálafjörðinn. Áður hafi staðið til að reka dýrin inn til Þórshafnar en yfirvöldum þar hafi ekki hugnast sú ráðstöfun.

Segir enn fremur að hver sá sem skráð sig hafi fyrir hlut í veiðunum fái nokkra sentimetra af höfrungakjöti.

• Blogga um frétt