Frakk­ar hafa kraf­ist þess á lokuðum fund­um fram­kvæmda­stjórn­ar Evr­ópu­sam­bands­ins að Bret­ar veiti ríkj­um ESB rétt til fisk­veiða í breskri lög­sögu næstu 25 árin. Þetta hafa Frakk­ar sett sem skil­yrði fyr­ir því að gerður verði fríversl­un­ar­samn­ing­ur við Breta, sam­kvæmt heim­ild­um breska blaðsins Daily Tel­egraph, sem greindi frá þessu í gær­kvöldi.

ESB hef­ur varað Breta við því að vilji þeir ná fríversl­un­ar­samn­ingi eft­ir út­göng­una úr sam­band­inu sé skil­yrði að samn­ing­ar tak­ist um fyr­ir­komu­lag fisk­veiða fyrst, helst áður en júlí­mánuður geng­ur í garð.

Frétt af mbl.is

Hót­ar Bret­um þorska­stríði

Sam­kvæmt frétt Tel­egraph munu Bret­ar ekki vera til­bún­ir að leyfa ESB-ríkj­um að fram­lengja veiðirétt­indi sín í breskri lög­sögu nema um eitt ár frá út­göngu rík­is­ins úr sam­band­inu. Ljóst er að nokkuð ber þarna á milli, eða um tæp­an ald­ar­fjórðung.

Telja má ör­uggt að hart verði tek­ist á um þetta mál­efni í þeim viðræðum sem fram und­an eru á milli Bret­lands og Evr­ópu­sam­bands­ins um framtíðarsam­band rík­is­ins og ríkja­sam­bands­ins.

Frétt af mbl.is

Brex­it-samn­ing­ur­inn samþykkt­ur

Form­lega var skrifað und­ir út­göngu­samn­ing Bret­lands og Evr­ópu­sam­band­ins í gær. Bor­is John­son for­sæt­is­ráðherra Bret­lands og æðstu leiðtog­ar Evr­ópu­sam­bands­ins, þau Ursula von der Leyen for­seti fram­kvæmda­stjórn­ar­inn­ar og Char­les Michel for­seti leiðtogaráðsins rituðu öll nafn sitt á plaggið í gær.

Bret­land geng­ur því úr Evr­ópu­sam­band­inu um kom­andi mánaðamót og þar með einnig úr Evr­ópska efn­hags­svæðinu, EES. Þó er kveðið á um það í samn­ingn­um sem nú hef­ur verið und­ir­ritaður að reglu­verk ESB og aðrir alþjóðasamn­ing­ar, þ.m.t. EES-samn­ing­ur­inn, gildi áfram um Bret­land út aðlög­un­ar­tíma­bil sem stend­ur til árs­loka.

Tengd­ar frétt­ir

Brex­it

Nig­el Fara­ge gef­ur kost á sér og leiðir flokk

• Verði auðveld­ara að fara til og frá Bretlandi
• Fríversl­un­ar­samn­ing­ur­inn form­lega geng­inn í gildi
• Harma hve illa Bret­um hef­ur tek­ist að semja
• Fimm mál sem leiddu til falls­ins

» Fleiri tengd­ar frétt­ir

• 3 blogg um frétt­ina

Bloggað um frétt­ina

• Geir Ágústs­son: Frakk­ar vilja veiða í land­helgi ann­ars rík­is
• Jó­hann Elías­son: VEKJA ÞESS­AR FRÉTTIR EKKI UPP NEIN­AR SPURN­ING­AR HJÁ ESB SINN­UM????
• Páll Vil­hjálms­son: ESB beit­ir sér gegn Bretlandi, Kan­ada