Bretar endurheimta vald yfir veiðum í lögsögu sinni
Setja bókamerki
Það dró heldur betur til tíðinda í sjávarútvegi Breta á mánudag en þá tókst að samþykkja í fyrsta sinn nýja lagasetningu um fiskveiðar í áratugi. Fram kemur á vef breska stjórnarráðsins að fiskveiðilöggjöfin (Fisheries Act 2020) veitir breskum yfirvöldum full yfirráð yfir fiskveiðum innan lögsögu ríkisins, en það hefur ekki verið raunin frá því að Bretland gekk í Evrópusambandið árið 1973.
Nýja fiskveiðilöggjöfin mun taka gildi frá og með fyrsta janúar 2021 en þá lýkur griðartíma úrsagnar Breta úr Evrópusambandinu. Þá veitir hún breska ríkinu heimild til að ákveða hverjir fá að stunda veiðar í breskri lögsögu og þar með verður slegið striki yfir rétt evrópskra skipa til veiða á bresku hafsvæði.
/frimg/1/24/1/1240147.jpg)
Bresk stjórnvöld segja sjálfbærni veiða í þágu sjómanna framtíðarinnar vera grundvallaratriði í löggjöfinni og hyggjast þau nú hefja vinnu við að þróa fiskveiðistjórnunarkerfi. „Heilbrigðir fiskstofnar með aukna nýtingarmöguleika sem skila sér með alþjóðlegum samningaviðræðum munu stuðla að hagvexti fyrir strandbyggðirnar,“ segir í tilkynningu breska stjórnarráðsins.
„Fiskveiðilögin marka enn einn mikilvægan áfanga á vegferð okkar sem sjálfstætt strandríki. Þetta þýðir að við getum sniðið stefnur okkar að þörfum breska iðnaðarins – tryggt sem besta nýtingu hafsvæða okkar í samræmi við þarfir lífríki hafsins,“ segir Victoria Prentis, sjávarútvegsráðherra Bretlands.
„Þetta er risastór stund fyrir breska sjávarútveginn. Þetta er fyrsta innlenda fiskveiðilöggjöfin í næstum 40 ár og við munum nú tryggja yfirráð yfir hafinu okkar upp í 200 sjómílur. […] Með því að bregðast skjótt við nýjustu vísindalegu ráðgjöf og þörfum sjávarútvegsins munum við tryggja blómstrandi framtíð fyrir sjávarbyggðirnar okkar,“ segir George Eustice, umhverfisráðherra Bretlands
Viljum hvorki vera Danir né Bandaríkjamenn
Staðan alvarleg og stutt í aðgerðir
Bendir hveitifyrirtæki á kærumöguleika
Vara við svindli í Zagreb
Ætla ekki að skila peningnum
Stefnt að afgreiðslu Íslandsbankasölu á vorþingi
„Þetta er ógnvænleg staða“
„Sársauki okkar er nístandi“