Síldarvinnslan metin á 210 milljarða króna
Setja bókamerki
Síldarvinnslan hf. er langtum verðmætasta sjávarútvegsfyrirtækið í kauphöllinni og er metið á 210,4 milljarða króna en gengi bréfanna er nú 114 krónur á hlut. Frá áramótum hefur gengi bréfanna verið lægst 113,5 krónur en hæst 127 krónur, sem er jafnframt hæsta gengi bréfanna frá því að Síldarvinnslan var skráð á markað.
Athygli vekur að aðeins tæp tvö ár eru frá því að Síldarvinnslan var skráð á markað og nam gengi bréfanna 65,7 krónur á hlut við lok fyrsta viðskiptadags 27. maí 2021. Bréfin hafa því hækkað um rúm 73% frá þeim tíma, en hækunnin er meiri ef mælt er frá útboðsgenginu sem var á bilinu 55 til 58 krónur á hlut.
Sjö lífeyrissjóðir fara með um fimmtungshlut í fyrirtækinu og hafa því þúsundir sjóðsfélaga í gegnum sjóði sína hagnast um fleiri milljarða á kaupá hlutum við skráningu félagsins í kauphöllina.
Tæplega 400 milljarðar
Brim hf. er nú metið á 168,9 milljarða króna en gengi bréfanna er 86,4 krónur á hlut. Frá áramótum var gengi bréfanna lægst 78,5 krónur en hæst 95 krónur, en á undanförnum 12 mánuðum hafa bréfin hæst náð 101 krónu á hlut.
Iceland Seafood International hf. er metið á 17,9 milljarða króna samkvæmt gengi bréfanna í kauphöllinni, en það er nú 6,6 krónur á hlut. Frá áramótum hefur gengi bréfanna hæst verið 7,35 krónur á hlut en lægst 5,85 krónur. Um er að ræða töluvert lægra gengi en árin 2021 og 2022 en fyrir rúmu ári síðan var gengi bréfanna í kringum 15 til 16 krónur á hlut.
Samalagt er verðmæti félaganna þriggja í dag 397 milljarðar króna en var í janúar í fyrra 354 milljarðar króna. Verðmæti félaganna hefur því hækkað um 43 milljarða króna, eða 12%, á rúmu ári.
Ráðist á ferðamenn: „Það var blóð alls staðar“
Kærir teiknara Vísis til siðanefndar
Halla: Líkti Ólafi Ragnari ekki við Robert Mugabe
„Þær áttu bara að læra sína lexíu“
Rannsaka drómasýki í hestum
Gegnum lykilhlutverki fyrir NATO
„Ég hélt ég myndi deyja, með dóttur mína í bílnum“