Nýtt rannsóknaskip Hafrannsóknastofnunar verður sjósett síðdegis í dag 12. janúar í skipasmíðastoð Armon í borginni Vigo á Spáni og verður skipinu gefið nafnið Þórunn Þórðardóttir með formlegum hætti við það tækifæri. Nafnið fær skipið eftir fyrstu íslensku konunni sem var sérfræðimenntuð í hafrannsóknum og miklum frumkvöðli í rannsóknum á smáþörungum í hafinu við Ísland.

Þetta má lesa í fréttatilkynningu frá Hafrannsóknastofnun, enupphaflega var gert ráð fyrir að skipið yrði sjósett 15. desember.

Þórunn Þórðardóttir við störf. Ljósmynd/Stjórnarráðið

Fram kemur að áætlanir gera ráð fyrir að hið nýja rannsóknaskip verður verði afhent til Íslands í lok árs. Skipið mun taka við af rannsóknarskipinu Bjarna Sæmundssyni sem fagnar í ár 54 aldursári sínu í þjónustu fyrir hafrannsóknir hér við land.

„Það er með mikilli ánægju sem við nefnum nýja rannsóknarskipið Þórunni Þórðardóttur; í höfuðið á konu sem ól allan sinn starfsaldur hjá Hafrannsóknarstofnun og áður hjá fyrirrennara stofnunarinnar (Atvinnudeild Háskóla Íslands, fiskideild) en eitt helsta afrek Þórunnar voru rannsóknir og mat á heildarfrumframleiðni svifþörunga á Íslandsmiðum enda eru svifþörungar undirstaða fæðukeðju hafsins. Framlag Þórunnar til vísinda er okkur öllum mikilvægt og því vel við hæfi að skipið beri nafn hennar í hafrannsóknum næstu kynslóða vísindafólks,“ er haft eftir Þorsteini Sigurðssyni, forstjóra Hafrannsóknastofnunar, í tilkynnignunni.

Tæplega fimm milljarðar

Tilkynnt var um undirritun samninga um smíði nýs rannsóknaskips 1. apríl 2022. Var gert ráð fyrir að smíði skipsins myndi kosta 33,45 milljónir evra sem var þá jafnvirði 4,8 milljarða íslenskra króna.

Frétt af mbl.is

Undirrituðu samning um smíði rannsóknaskips

Tengdar fréttir

Hafrannsóknastofnun

Fátt um loðnu í mögum og vísitala breytist lítið

• Hafa kortlagt um sex þúsund ferkílómetra
• Vísar gagnrýni á togararall á bug
• Telur stærð nytjastofna stórlega vanmetna
• „Allir um borð eru afskaplega hjálplegir“

» Fleiri tengdar fréttir

• Blogga um frétt