„Clarkson getur sjálfum sér um kennt“
Setja bókamerki
Jeremy Clarkson og Piers Morgan hafa lengi elt grátt silfur. Hafa þeir rifist opinberlega auk þess sem Clarkson hefur áður sveiflað hnefunum í átt að útvarpsmanninum. Nú hefur dagblaðið Daily Mail birt opið bréf frá Morgan þar sem hann segir það hafa verið rétta ákvörðun að reka Clarkson og hann geti sjálfum sér um kennt.
„BBC átt engra kosta völ. Þú mátt ekki að skamma framleiðanda þinn eins og Clarkson gerði, óháð því hversu lélegur maturinn var,“ skrifar Morgan.
Ástæða þess að Clarkson sló framleiðandann var að hann bjóst við að sín biði heit kvöldmáltíð að tökum loknum.
Ósætti Clarksons og Morgans hófst árið 2000 þegar Morgan var ritstjóri dagblaðsins Daily Mirror. Birti dagblaðið þar mynd af Clarkson vera að kyssa Elaine Bedel, framleiðanda hjá BBC. Clarkson varð æfur þegar hann sá myndirnar og nokkrum árum síðar sló hann til Morgans á góðgerðarsamkomu.
Sparnaður heimila vex meira en áður var talið
Beint: Eldgos hafið við Stóra-Skógfell
Sáu eldgosið brjótast út frá Snæfellsnesi
Á algjöru frumstigi eftir þrjár vikur af verkfalli
Spara stórfé með olíukaupum ytra
Skiptir mestu máli að fjárlögin voru samþykkt
Óttast að fólk fari aftur að eyða peningum
Erlendir miðlar greina frá tíunda gosinu