Tom Cruise mætti ekki í brúðkaup dóttur sinnar

Stórstjarnan Tom Cruise mætti að sögn ekki í brúðkaup dóttur sinna, Isabellu, sem fram fór í síðasta mánuði.

Cruise ættleiddi Isabellu með fyrrverandi eiginkonu sinni Nicole Kidman árið 1992 , en saman eiga þau einnig soninn Connor sem þau ættleiddu árið 1995.

Athöfnin, sem var lítil og látlaus, fór fram í London þann 18. september. Eingöngu nánustu fjölskyldumeðlimum og vinum var boðið í brúðkaupið, líklega til að forðast ágang fjölmiðla líkt og Contactmusic greindi frá.

Dóttir Cruise, sem er hárgreiðslukona, gekk að eiga unnusta sinn Max Parker sem starfar sem tölvunarfræðingur.

Kidman er sögð hafa verið viðstödd athöfnina, en hún fer um þessar mundir með hlutverk í leikritinu Photograph 51, sem sýnt er í London.  

• Blogga um frétt