Leikkonana Anne Hathaway á von á sínu fyrsta barni með eiginmanni sínum Adam Shulman. Meðgangan er vel á veg komin, en sögusagnir þess efnis að leikkonan væri ólétt fóru fyrst á kreik í september.
Hjónin eru afar spennt yfir komu litla erfingjans, en Hathaway hefur verið óhrædd við að tjá sig um barneignir undanfarin ár.
„Anne líður stórvel. Hún stundar líkamsrækt og reynir að halda sér í formi meðan á meðgöngunni stendur. Hún er orkumikil og finnst meðgangan afar spennandi“ sagði ónefndur heimildarmaður í samtali við E!.
„Hún er farin að finna fyrir ílöngun í ýmsan mat, en hún er í heilbrigðri þyngd og hefur engar áhyggjur af því að bæta á sig.“
„Anne kvartar aldrei og hún er mjög auðveld í umgengni. Hún getur þó ekki beðið eftir því að verða mamma.“