Láku persónulegum upplýsingum leikara Game of Thrones
Setja bókamerki
Tölvuþrjótar hafa birt persónuleg símanúmer stjarnanna í Game of Thrones, tölvupósta HBO og handrit. Krefjast ódæðismennirnir lausnargjalds uppá margar milljónir bandaríkjadollara til að koma í veg fyrir birtingu heilla sjónvarpsþátta og meiri upplýsinga.
Forsvarsmenn HBO-sjónvarpsstöðvarinnar greindu frá því í síðustu viku að tölvuárás hefði verið gerð á fyrirtækið.
Í fimm mínútna myndbandi les einhver sem kallar sig Mr. Smith upp yfirlýsingu til Richard Plepler forstjóra HBO, þar sem fram kemur að fyrirtækið verði að borga þrjótunum gjaldið á næstu þremur dögum til að koma í veg fyrir frekari leka.
Tölvuþrjótarnir halda því fram að þeir hafi stolið 1,5 terabætum af gögnum, sem jafngildir nokkrum sjónvarpsþáttaröðum og milljónum skjala. Aftur á móti segjast forsvarsmenn stöðvarinnar ekki trúa því að brotist hafi verið í allt tölvupóstakerfi þeirra, þó að einhverju einkaréttarvörðu efni fyrirtækisins hafi vissulega verið stolið.
HBO segist nú vinna með bandarísku lögreglunni og netöryggissérfræðingum til að komast til botns í málinu.
Ekki tekið heiðarlegt samtal við ríkisstjórnarborðið
Einn handtekinn út af þjófnaðinum í Hamraborg
Loftslagsdómurinn út í loftið
Dómari vanhæfur í Hvammsvirkjunarmáli
/frimg/1/28/6/1280672.jpg)
Gripinn með tvær milljónir á Keflavíkurflugvelli
Sólarsellur verði á 10 til 20% íslenskra þaka
Verkfallsaðgerðir á Keflavíkurflugvelli samþykktar
„Ættir þú ekki frekar að bjóða þig fram til Alþingis?“