Missti sjónar á móður sinni og gekk inn í miðjar tökur
Setja bókamerki
Leikkonan Mariska Hargitay, þekktust fyrir hlutverk sitt sem rannsóknarlögreglukonan Olivia Benson í bandarísku spennuþáttaröðinni Law & Order: Special Victims Unit, var við tökur á nýjasta þætti seríunnar nú á dögunum þegar stúlka á leikskólaaldri nálgaðist hana. Stúlkan hafði misst sjónar á móður sinni og bað leikkonuna um aðstoð við að finna hana.
Stúlkan varð hvorki vör við upptökuvélarnar né tökuliðið og gekk inn í miðjar tökur. Taldi hún Hargitay, sem hefur farið með hlutverk Benson síðustu 25 ár, vera alvöru lögreglukonu, en hún sá glitta í lögreglumerki sem hékk við belti leikkonunnar. Stúlkan nálgaðist Hargitay í almenningsgarði í New York, Fort Tryon Park.
Hargitay óskaði eftir að hlé yrði gert á tökum svo hún gæti hjálpað stúlkunni að finna móður sína, en leitin tók nokkrar mínútur. Stúlkan hljóp rakleiðis í fang móður sinnar um leið og hún kom auga á hana. Leikkonan eyddi dágóðum tíma í að ræða við mæðgurnar og róa taugar þeirra, alveg eins og Benson er vön að gera, áður en tökur hófust að nýju.
Law & Order: Special Victims Unit hefur verið í loftinu í aldarfjórðung, en þáttaserían var frumsýnd þann 20. september 1999. Af upprunalega leikaraliðinu er Hargitay sú eina sem enn stendur vaktina.
Rímar „engan veginn“ við Veðurstofuna
„Jæja, Jón forseti bara mættur“
Verkefnin snúa að velferð fólksins
Mun ekki framselja vald sitt til Felix
Skimað fyrir kíghósta meðal leikara
3.800 gígawattsstundir af viðbótarorku árlega
Hörð átök á milli nemenda og táragasi beitt
„Stjórnvöld láti af sjúklegri undirgefni sinni“