„Jæja, Jón forseti bara mættur“
Setja bókamerki
Tengdar fréttir
Hringferð
Jón Gnarr forsetaframbjóðandi byrjaði fyrst að íhuga forsetaframboð fyrir forsetakosningarnar árið 2016.
„Þessari hugmynd er einhver veginn fyrst plantað í hausinn á mér þegar ég lét af embætti borgarstjóra,“ sagði Jón Gnarr á fjölmennum borgarafundi Morgunblaðsins á Ísafirði í gærkvöldi.
Hann sagði að fyrir forsetakosningarnar 2016 hefði verið gerð könnun og hann þá náð fínum árangri. Þrátt fyrir það taldi hann tímann ekki réttan til að láta slag standa.
Byrjaði að hugsa málið eftir nýársávarpið
Aftur á móti, þegar Guðni Th. Jóhannesson forseti tilkynnti í nýársávarpi sínu að hann myndi ekki bjóða sig fram að nýju, þá hugsaði Jón málið aftur og ræddi við konuna sína.
„Þá var þetta byrjað að malla, 2. til 3. janúar – eitthvað svoleiðis,“ sagði Jón.
Þá tóku að berast áskoranir á hinum ýmsu miðlum og svo þegar hann mætti í vinnu hjá Leikfélagi Akureyrar byrjaði fólk að kalla hann Jón forseta.
„Ég var að vinna hjá Leikfélagi Akureyrar og allt í einu var það orðið gælunafnið mitt þar – Jón Forseti. „Jæja, Jón forseti bara mættur“,“ sagði Jón og hló.
Hægt er að horfa á borgarafundinn í heild sinni hér:
Tengdar fréttir
Hringferð
Urðu ekki vör við kvikuhlaup
Um 70 jarðskjálftar í kvikuganginum
Kemur ekki til greina að semja við ESB
Myndskeið: Hátt í 140 lömb á tveimur sólarhringum
Mannbjörg þegar strandveiðibátur sökk
Ástand Ficos stöðugt en „mjög alvarlegt“
Opin fyrir almennri kosningu biskups