Myndband af tónleikum Laufeyjar vekur reiði á TikTok
Setja bókamerki
Tengdar fréttir
Laufey
Tónlistarkonan Laufey Lín Jónsdóttir lenti í leiðinlegu atviki á tónleikum sínum í Dallas í Texas á dögunum sem hefur vakið mikla reiði á samfélagsmiðlum.
Laufey er á sannkallaðri sigurför um heiminn en hún er stödd á tónleikaferðalagi um þessar mundir og spilaði á tvennum tónleikum í Dallas í síðustu viku. Þar lenti hún í leiðinlegu atviki þar sem hópur áhorfenda byrjaði að öskra gríðarlega hátt í miðju lagi.
„Mér leið svo illa fyrir hönd Laufeyjar“
Myndband frá atvikinu birtist í kjölfarið á TikTok þar sem áhorfandi gagnrýndi hópinn sem byrjaði að öskra og sagði hann hafa skemmt fyrir öðrum gestum sem voru mættir til þess að hlusta á Laufeyju syngja.
„Það má syngja með en það eru mörk sem þú getur farið yfir þar sem þú ert farin að skemma fyrir öllum öðrum í salnum. Er svona erfitt að vera ekki verulega dónalegur??“ skrifaði hún við myndbandið þar sem Laufey sést spila á píanó og syngja lagið Promise þegar öskrin byrja.
Myndbandið hefur vakið mikla athygli á samfélagsmiðlum og á aðeins rúmum sólarhring hefur það fengið yfir 8,4 milljónir áhorfa. Þá hefur fjöldi tónleikagesta sem voru viðstaddir þegar atvikið átti sér stað tjáð sig í athugasemdum, en það er greinilegt að fólk var verulega ósátt við hópinn.
„Ég var þarna og mér leið svo illa fyrir hönd Laufeyjar, hún virtist svo vonsvikin,“ skrifaði einn tónleikagestur á meðan annar skrifaði: „Ég sat nálægt sumum af þessum stelpum sem öskruðu ofboðslega hátt alla tónleikana, svo hræðilega vandræðalegt.“
„Ég var þarna með systur minni. Við vorum báðar svo pirraðar ... engum finnst þetta fyndið,“ bætti annar notandi við, og enn annar skrifaði: „Ég skil ekki af hverju fólk heldur því fram að ef það hafi borgað fyrir miða þá megi það eyðileggja upplifunina fyrir öllum öðrum.“
Tengdar fréttir
Laufey
Ótímabundin leyfi verði líklega ekki gefin út
Fólk í kosningateymi Höllu fékk milljónir frá OS
„Eyddi nánast allri nóttina í þetta“
Dómari vanhæfur í Hvammsvirkjunarmáli
Stofna framkvæmdanefnd um málefni Grindavíkur
Verkfallsaðgerðir á Keflavíkurflugvelli samþykktar
Móðirin sögð hafa játað að verða syni sínum að bana
Tveir milljarðar tapast vegna vatnsskorts
