Mikill vilji er fyrir því meðal danskra kjósenda að endursemja um veru Danmerkur í Evrópusambandinu ef marka má niðurstöður nýrrar skoðanakönnunar sem gerð var af fyrirtækinu Norstat. Samkvæmt könnuninni vilja 46% endursemja um veru landsins í sambandinu en þriðjungur er því andvígur.

Fram kemur á fréttavefnum Politiko.dk að tilefni skoðanakönnunarinnar sé fyrirætlan breskra stjórnvalda undir forystu Davids Cameron forsætisráðherra að endursemja um veru Bretlands í Evrópusambandinu. Yfirlýst markmið bresku stjórnarinnar er að endurheimta ýmsar valdheimildir sem framseldar hafa verið til þessa til stofnana Evrópusambandsins.

Spurt var í skoðanakönnuninni hvort vilji væri fyrir því að endursemja um veru Danmerkur í Evrópusambandinu með hliðstæðum hætti og bresk stjórnvöld stefni að.

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 2 blogg um fréttina

Bloggað um fréttina

• Ægir Óskar Hallgrímsson: Þetta myndi gerast hérna einnig..
• Páll Vilhjálmsson: ESB er vandamálið, ekki lausnin