Donald Tusk, forseti leiðtogaráðs Evrópusambandsins, sagði í dag að hver sem útkoman yrði í þjóðaratkvæðinu í Bretlandi á fimmtudaginn, þar sem ákveðið verður hvort Bretar verði áfram innan sambandsins eða ekki, yrðu ráðamenn í Brussel að huga vandlega að framtíð þess.

„Það væri heimskulegt af okkur að hunsa slíkt viðvörunarmerki,“ sagði Tusk samkvæmt frétt Euobserver.com og bætti við að fleiri slík viðvörunarmerki um óánægju innan Evrópusambandsins væru fyrir hendi. Hann sagði sambandið þegar vera að undirbúa sig fyrir niðurstöðu þjóðaratkvæðisins og mögulegar efnahagslegar afleiðingar.

Philip Hammond, utanríkisráðherra Bretlands, sagði í dag að ljóst væri að mjótt væri á mununum. Sagði hann að ef Bretar segðu skilið við Evrópusambandið en vildu svo seinna ganga þar inn aftur yrði landið að gerast aðili að evrunni og Schengen-svæðinu sem væri óásættanlegt.

Donald Tusk. AFP

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• 1 blogg um fréttina

Bloggað um fréttina

• Magnús Helgi Björgvinsson: Norðmenn vara Breta við að ganga úr ESB !