Varnarmálaráðherra Rússlands tilkynnti nú síðdegis að Rússar muni framlengja hlé sem gert var á átökum í sýrlensku borginni Aleppo upp í sólarhring, en áður hafði hafði verið boðað að vopnahléið myndi standa í 11 stundir.

Ákvörðunin að framlengja vopnahléið af „mannúðarástæðum“ var tekin af Vladimír Pútin Rússlandsforseta að því er sagði í tilkynningu frá Sergei Shoigu varnarmálaráðherra. Hann tilgreindi þó ekki hvenær vopnahléinu muni ljúka, en Sameinuðu þjóðirnar höfðu áður sagt að rússnesk stjórnvöld hafi lofað að vopnahléið standi fram á laugardag.

Stjórnvöld í Rússlandi mæta nú síaukinni gagnrýni fyrir þátttöku sína í grimmilegum árásum sýrlenska stjórnarhersins á Aleppo. Sem svar við þeirri gagnrýni tilkynntu rússnesk stjórnvöld nú fyrr í vikunni að látið verði af árásum á Aleppo tímabundið svo uppreisnarmönnum og íbúum, í þeim hluta borgarinnar þar sem umsátursástand hefur ríkt undanfarin misseri, verði gert kleift að yfirgefa borgina.

Eftir viðræður við stjórnvöld í Frakklandi og Þýskalandi í dag um málefni Sýrlands tilkynnti Pútín að Rússar myndu fresta frekari árásum á Aleppo „jafn lengi og hægt væri“.

Sameinuðu þjóðirnar hafa áður greint frá því að vonast sé til að hægt verði að flytja fyrsta hóp særða á brott úr borginni á morgun.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt