Bandarísk stjórnvöld hafa rekið 35 Rússa úr landi. Þeir eru leyniþjónustumenn og þar af eru fjórir hátt settir í leyniþjónustunni GRU. Þeim hefur verið hótað frekari refsiaðgerðum. Bandaríkjamenn saka þá um að standa á bak við netárásir í forsetakosningunum í nóvember.

„Ég hef fyrirskipað nokkrar refsiaðgerðir vegna mikils áreitis rússneskra stjórnvalda í garð bandarískra embættismanna og netaðgerða sem beindust að bandarísku kosningunum,“ sagði Barack Obama, Bandaríkjaforseti.

Rússunum ásamt fjölskyldum þeirra var gert að yfirgefa landið á innan við 72 klukkustundum. Þeir eru starfsmenn í rússneskum sendiráðum í borgunum Washington og San Francisco, samkvæmt The Wall Steet Journal.

Búist er við að stjórn Obama muni leggja fram frekari sannanir fyrir að Rússar hafi staðið að baki innbroti í tölvupóstaþjóna landsnefndar Demókrataflokksins. Í kjölfar þess var tölvupóstum John Podesta, kosningastjóra Hillary Clinton lekið. Umfjöllun fjölmiðla um forsetaframboð hennar einkenndist mjög af því sem kom fram í póstunum. 

Frá því í kosningabaráttunni hafa Rússar verið sakaðir um netárásir í forsetakosningunum. Nokkr­ar leyniþjón­ustu­stofn­an­ir Banda­ríkj­anna, þar á meðal CIA, hafa lýst því yfir að rúss­nesk stjórn­völd hafi  reynt að tryggja Trump sig­ur í kosn­ing­un­um, meðal ann­ars með því að brjót­ast inn í tölvu­pósta lands­nefnd­ar Demó­krata­flokks­ins og leka tölvu­póst­um Podesta.

Bæði rúss­nesk stjórn­völd og Trump hafa þver­tekið fyr­ir þess­ar ásak­an­ir.

Tengdar fréttir

Forsetakosningar í Bandaríkjunum 2016

Obama kenndi Clinton um sigur Trump

• Minnka vægi ofurkjörmanna
• Vill rannsókn á kosningabaráttu Clinton
• Samfélagsmiðlar undir smásjá Bandaríkjaþings
• Samþykkir val á Rex Tillerson

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Frjálslyndir vinstrimenn í nýju köldu stríði