Lögregla í Lundúnum telur að Khalid Masood hafi verið á allt að 122 kílómetra hraða á klukkustund á Westminster brúnni þar sem hann varð þremur að bana á miðvikudaginn og særði 50.

BBC greinir frá þessu og vitnar í ónefnda heimildarmenn.

Masood ók síðan á grindverk, fór út úr bifreiðinni og stakk lögregluþjón til bana, allt á 82 sekúndum. Lögreglan hefur ekki viljað staðfesta hraðann við fjölmiðla þar sem málið er í rannsókn.

Fórnarlömb Masood voru lögregluþjónninn Keith Palmer sem var stunginn og þau Aysha Frade, Kurt Cochran og Leslie Rhodes sem ekið var á. Hryðjuverkasamtökin Ríki íslams hafa lýst yfir ábyrgð á árásinni sem er versta hryðjuverkaárás í Lundúnum í tíu ár. 

Masood var 52 ára gamall. AFP

Tengdar fréttir

Árás við þinghúsið í London

Munu kalla mig hryðjuverkamann

• Handtekinn með hnífa við Westminster
• Sjötta manneskjan látin í London
• Prinsinn ræddi við eftirlifendur
• Ekkja Masood segist miður sín

» Fleiri tengdar fréttir

• Blogga um frétt