Fyrirtæki um allan heim senda nú frá sér tilkynningar þess efnis að þau hafi orðið fyrir netárás.

Fram kemur í frétt The Guardian að fyrstu tilkynningar um árásina komu frá Úkraínu þar sem meðal annars ríkisstjórnin, bankarnir, flugvöllurinn í Kiev og neðanjarðarlestakerfið hafa orðið fyrir áhrifum hennar.

Forsætisráðherra Úkraínu, Pavlo Rozenko, setti fyrr í dag mynd á Twitter sem sýndi svartan tölvuskjá og greindi frá því að tölvukerfi ríkisstjórnarinnar í heild sinni lægi niðri.

Árásin hefur að auki valdið truflunum í ýmsum fyrirtækjum um allan heim meðal annars danska flutningafyrirtækinu AP Møller-Maersk. Sautján flutningastöðvar sem fyrirtækið rekur í Hollandi og víðar hafa orðið fyrir árásinni. 

Sérfræðingar segja að árásin stafi af nýrri útgáfu af gíslatökuvírusnum Petya sem kallaður er Petrwrap. Gíslatökuvírus (e. ransomeware) er vírus sem slekkur á tölvukerfum og heimtar peningasummu til þess að koma þeim aftur í gang. 

Árásin kemur í kjölfarið á WannaCry-vírusnum sem réðst að tölvum í yfir 150 löndum í síðasta mánuði, þar á meðal hjá National Health Service í Bretlandi, símafyrirtækinu Telefónica á Spáni og lestakerfi Þýskalands.

Tengdar fréttir

Tölvuárásir gerðar víða um heim

Nýir hópar tölvuþrjóta og nýjar aðferðir

• Penninn varðist tölvuárásinni
• Upprættu umfangsmikið kerfi tölvuþrjóta
• Láku persónuupplýsingum stjarnanna
• Engin landamæri á netinu

» Fleiri tengdar fréttir

• Blogga um frétt