Angela Merkel Þýskalandskanslari segir að ofbeldið í tengslum við G20-leiðtogafundinn, sem fram fer í Hamborg um helgina, sé óviðunandi.
Merkel kvaðst skilja friðsæl mótmæli en sagði mótmæli þar sem „líf fólks væri í hættu og líf mótmælendanna væri í hættu væru óviðunandi.“
159 lögregluþjónar hafa slasast í átökum síðustu daga milli mótmælenda og lögreglu en 59 mótmælendur hafa verið handteknir. Lögreglan í Hamborg hefur óskað eftir liðsauka vegna átakanna.